Крводарителката и личен асистент Божана Трајкова ја доби годишната награда на Општина Струмица

На свечената седница на Советот на Општина Струмица по повод Денот на заштитиниците на градот-11 декември, традиционално беа доделени годишните награди и наградата за животно дело “Свети Петнаесет Тивериополски свештеномаченици”. Нашата Божана Трајкова ја доби годинашната награда за посебни остварувања во крводарителството и хуманоста.

Трајкова е крводарител од 2013 година и досега дарувала крв 19 пати. Таа е и личен асистент на лицата со попреченост, програма која се реализира преку Општинската организација на Црвен крст Струмица. Нејзината ретка крвна група 0 негатив досега спасила многу животи, а од страна на Црвениот крст на Република Северна Македонија е прогласена за хуманист, мотиватор и агитатор за крводарување.

Честитки за Божана за признанието и награда, како и за нејзината голема хумана мисија која е препознаена и валоризирана од пошироката општествена заедница.